Ora papia di un Sagitario

Si bo a nase entre 23 di novèmber pa 22 di desèmber bo ta un Sagitario segun astrologia oksidental. E símbolo di Sagitario ta e senturio: un hòmber mitar kabai i mitar hòmber  (manera relatá den mitologia griego).
Sagitario, Leo i Aries ta signonan di kandela. Mas grandi un Sagitario bira mas e ta bai buska pa konosé mundu. Ta tipifiká un Sagitario komo un hende ku gusta puntra pa haña sa.
E flecha si span kontinuo di un Sagitario ta e indikashon di su poder pa kuminsá  i mantené‚ un guera. E por tira un flecha mas leu ku e límite normal horizonte humano, rikesa, balor personal i poder.
Awendia, na lugá  di usa flecha ku flecha e tin akseso na gasolin i motornan fuerte, pero e esensial rason pa usa e podernan nobo aki ta keda mesun kos. E podernan aki ta representá su abilidat pa ekstendé su esfera personal di influensha. Sagitarionan ta buskando kontinuamente pa ekspandé nan horizonte, pa kubri mas teritorio i oumentá  nan rango i punto di bista. Esaki ta enserá  tur aspekto di nan bida: ekonómiko, sosial i intelektual.
Sagitario ta konosí pa desaroyo di su mente inteligensia haltu, ku ta komprondé‚ e konseptonan filosófiko, metafísiko i spiritual. E mente aki ta representá   e parti mas altu di naturalesa síkiko i ta motivá;  no pa konsiderashonnan egoista; pero dor di lus i grasia di un poder mas altu. Ademas, Sagitario ta stima edukashon altu di tur tipo. E por sinti su mes laf ku edukashon formal, pero e gusta siña riba su mes i na su mes manera. Un amor pa estudionan estranhero i interes pa lugá nan leu fo'i kas tambe ta karakterístikanan di dje.

Si para ketu na e karakterístikanan di e Sagitario por ripará for di alma di e Sagitario ta sali un gran deseo pa e desaroyá.
Biaha mas ke men sa mas, sa mas ke men ta mas, kultivá  e mente di mas altu ta krese i alkansá  mas. Tur e kosnan típiko aki di su karakter ta amplia su inteligensia indirektamente, e horizonte ekonómiko i material di e Sagitario.
Generosidat di Sagitario ta legendario. Tin vários rason pa esaki. Unu ta ku e Sagitario ta parse di ta konsiente di nasementu di rikesa. Nan ta sinti ku nan ta riku, ku nan tin suerte, ku nan por logra kualke meta finansiero anto asina nan ta sinti ku nan por ta generoso. Sagitarionan no ta karga e peso di ke un kos i limitashon, ku ta stòp mayoria otro hende di duna generosamente. Otro rason pa nan generosidat ta nan idealismo religioso i filosófiko, derivá  di e mente mas altu. E mente mas altu aki ta generoso di naturalesa paso e ta infektá  pa sirkunstansianan materialista. Tambe otro rason ta ku e arte pa duna ta enrikesé nan naturalesa emoshonal. Tur akto di duna ta parse ku ta enrikesé i esaki ta rekompensá e Sagitario sufisientemente.

Kas i bida doméstiko
Sagitarionan ta pèrmití hopi libertat na nan famia. Nan gusta kas grandi ku hopi yu i ta un dje signonan mas fèrtil di zodiak. Ora ta trata di nan yunan Sagitario generalmente ta faya dor di duna nan muchu hopi libertat. Tin biaha nan yunan ta haña e impreshon ku no tin límite. Manera ku pèrmití libertat na kas ta un kos básikamente positivo semper ora tin medida di mantenementu, dor ke pèrmití tur miembro di famia pa desaroyá manera tin mester.

Amor i relashon
Sagitario ta gusta libertat pa nan mes, anto lo pèrmití nan pareha esaki tambe. Nan ke pa nan relashon ta fleksibel i semper ku kosnan nobo. Sagitarionan por ta inkonfiabel den relashon i ta kambia ku hopi frekuensia di opinion tokante di nan pareha.
Sagitario ta sintié menasá pa un relashon bon definí i bon strukturá pasobra e ta sinti ku esaki ta limitá su libertat.
Pero e mesun Sagitario ta pashoná, generoso, abri, bondadoso i hopi aktivo den amor. E ta mustra su afekshon hopi abri. Meskos ku un Aries e por ta sentro di atenshon den e manera ku nan ta atendé ku nan partner. Sagitario mester desaroyá e abilidat pa wak otro su punto di bista i no solamente di su so. E mester desaroyá algun ophetividat i klaridat intelektual friu su relashon pa por desaroyá mihó komunikashon di tur dos banda ku su pareha. Sagitario por ta demasiado idealistiko ku su pareha i amor en general. Un aktitut friu i rashonal lo yud’é pa wak realidat mas kla anto evitá desapunto pa su mes.

Finansa
Sagitario generalmente ta pusha rikesa. E ta tantu atraé‚ komo kre’é. E tin idea, energia i talento pa hasi su vishon di paraiso riba un realidat riba tera. Tiki rikesa no ta sufisiente p’e. Sagitario ke luho, un bida kómodo ta poko i insignifikante pa nan. Pa Sagitario mantené su potensial di gana di bèrdè, e mester desaroyá  mihó abilidatnan di maneho i organisashon. E mester siña pone límite, pa yega na su meta dor di un serie di otro meta i ophetivonan alkansabel. Ta hopi infrekuente ku un hende ta bira di pober pa riku den un anochi. Pero un Sagitario no tin pasenshi. Manera Leo, e ke logra rikesa i éksito rápidamente. E mester tene kuidou, pasobra e sobre-optimismo aki por hink’é den aventuranan finansiero irealístiko i pèrdidanan mahos. Pero no tin niun signo den zodiak ku por rekuperá asina lihé manera Sagitario, pero ta solamente dolónan di kurason innesesario ta keda kousá ku e aktitut aki. Sagitarionan mester mantené nan vishon i nunka lag’é bai, pero mester traha tambe di tin sèn den bida na un manera práktiko i efisiente.

Karera i imágen públiko
Sagitarionan ta pensa grandi, nan ke tur kos: sèn, fama, glamur, prestigio, atenshon di públiko i un lugá den historia. Hopi biaha nan ta bai tras di tur e metanan aki. Algun ta logra nan, otro no, esaki ta dependé di kada horoskop personal individual. E ego di Sagitario ta gigante i kisas korekto asina. E tin hopi pa ta orguyoso di dje. Si e ke atenshon públiko, komo ku e lo tin ku siña pa mustra su ego un tiki ménos, pa bira mas humilde i superfisial ku su mes, sin kai den trampa di ninga i pèrdè rèspèt pa su mes. E mester siña tambe pa manehá detayenan di bida, ku tin biaha por fay’é.

Na trabou Sagitarionan ta traha duru i ta gusta komplasé nan doño di trabou i koleganan.
Nan ta dependiente, konfiabel i gusta un reto. Sagitarionan ta amabel pa traha kuné i gusta yuda nan koleganan. Normalmente nan ta kontribuí ku ideanan inteligente i métodonan nobo pa promové e ambiente pa tur hende. Sagitario semper ta buska posishonnan ku reto i karera ku ta desaroyá su inteligensia, maske ku e tin ku traha hopi duru pa logra éksito. Nan ta traha bon tambe bou di supervishon di otro, aunke pa naturalesa nan lo preferá di ta e supervisor. Sagitarionan ta sobresalí den profeshonnan ku ta pèrmití nan ta den kontakto ku diferente otro hende i pa biaha pa lugánan nobo i eksitante.

Bo ke sa bo astrologia personal kompleto i detayá? Tuma kontakto ku nos na korsou@konseho.com.